پریشانیوں کا حل اللہ سے اپنا تعلق مضبوط کرنے میں ہے : پیر حضرت مولانا عرفان مظاہری
پاکوڑ، جھارکھنڈ
مسلمان آجکل جن پریشان کن حالات سے گزر رہے ہیں ان کا حل صرف اور صرف اللہ سے اپنا تعلق مضبوط کرنے میں ہے، اس میں کوئی شک نہیں کہ جن کا رشتہ اللہ سے مضبوط ہو جاءے وہ دنیا میں بھی کامیاب ہے اور آخرت میں بھی کامیاب ہے، اللہ سے قربت رکھنے والوں کے لئے اللہ کا وعدہ ہے کہ ان کو نہ کوئی خوف ہوگا اور نہ وہ غمگین ہوں گے. یہ باتیں خانقاہ عرفانیہ جہاز قطعہ گڈا سے تشریف لاءے پیر طریقت حضرت مولانا عرفان صاحب مظاہری چشتی قادری دامت فیوضھم نے یہاں منعقد ایک اصلاحی مجلس میں کہی، اب تک پکوڑیا بلاک کے مختلف گاؤں میں حضرت پیر طریقت کی کئی مجلسیں ہوچکی ہیں اور کافی لوگ آپ سے بیعت ہو چکے ہیں.
چنانچہ آلودہا بستی میں جمعرات کو بہت سے لوگ بیعت ہوءے جن میں محمد حسین صاحب آلودہا عبد الصمد، عبد الغفار، محمد اسجد، محمد ارشد آلودہا ، محمد سیف اللہ پکوڑیا، محمد مطیع الرحمان، سلبدرا ،بیربھوم محمد اشتیاق, مولانا غلام مصطفی صاحب رگھو ناتھ پور وغیرہ وغیرہ شامل ہیں واضح رہے کہ حضرت کے پہلے مرید و خلیفہ مولانا بشیر الدین صاحب قاسمی اسی بستی سے تعلق رکھتے ہیں.
