کولکاتہ سے تشریف فرما شعرائے کرام کے اعزاز میں شعری نشست کا انعقاد 26 نومبر کو ۔

رانچی ۔ پی ۔ ار ۔
انجمن بقائے ادب رانچی رجسٹرڈ ، کرییٹو مشن جھارکھنڈ رجسٹرڈ و جمیعت العراقین رانچی کے مشترکہ زیر اہتمام کلام شاعر کے تحت 26 نومبر دوپہر دو بجے سے کولکاتہ سے تشریف فرما دو شعرائے کرام استاد الشعرا محترم جناب حلیم صابر صاحب و محترم جناب رئیس اعظم حیدری صاحب کے اعزاز میں ایک شعری نشست کا انعقاد کربلا چوک رانچی واقع گلشن ہال میں کیا جائے گا ۔ اس شعری نشست میں جھارکھنڈ کی راجدھانی رانچی کے مشاہیر شعرائے کرام بھی اپنے کلام پیش کریں گے ۔ اپ تمام شعر و ادب نواز حضرات اور محبان اردو سے انجمن بقائے ادب رانچی رجسٹرڈ کے جنرل سیکرٹری جناب نصیر افسر صاحب نے باوقار شرکت کی اپیل کی ہے ۔