مولانا امام الدین قاسمی سابق کارکن مرکزی دارالقضاء امارت شرعیہ پھلواری شریف پٹنہ کی اچانک رحلت نہایت دکھ بھری خبرہے مولانانے ایک مدت تک امارت شرعیہ کے مرکزی دار القضاء میں مخلصانہ خدمت انجام دی ہے۔
اس واقعہ سےامارت شرعیہ سمیت علماء حلقے میں غم کی لہر دوڑگئی مرحوم نہایت شریف الطبع اور خلیق عالم دین تھے،
مرحوم کا سراپا آنکھوں کے سامنے گردش کر رہا ہے،
نکلتاقد،خوبصورت چہرہ ،گورےچٹے، چھریرابدن، لبوں پر ہردم مسکراہٹ ،
خوش مذاق اور خوش مزاج تھے۔
بندہ سےمرحوم کادوستانہ دارالعلوم دیوبند کےزمانۀ طالب علمی سےتھا، آپ مارت شرعیہ میں علماء کے محبوب نظر تھے،
آج اچانک دوپہرمیں طبیعت بگڑی پارس میں ایڈمٹ کرانے کیلئےنکلے اوردوران سفرہی وقت موعود آپہنچا۔
امارت شریعہ کے ذمہ داران و کارکنان مولانا کی رحلت پر نہایت رنجیدہ ہیں ان کے اہل خانہ کو تعزیت پیش کرتے ہیں ۔
مرحوم ضلع مدھوبنی کے خطہ مومن پور شکری پنڈول بلاک کےرہنےوالے تھے۔
صاحب اولاد نہیں ہوسکےتھے۔
فی الوقت الحمد ٹرسٹ پھلواری شریف پٹنہ میں محترم مفتی سہیل احمد قاسمی صاحب سابق صدر مفتی امارت شرعیہ کےساتھ ملی کاموں میں مصروف تھے۔
ان خیالات کا اظہار امارت شرعیہ کے معاون ناظم جناب مولانا احمد حسین قاسمی مدنی نے نام نگار سے گفتگو کرتے ہوئے کیا ۔
اللہ رب العزت مولانا امام الدین صاحب کی تمام دینی وملی خدمات کو قبول فرمائے ۔
حق مولانا مرحوم کی بال بال مغفرت فرمائے،اور اہل خانہ کو صبر جمیل عطا فرمائے