Chatra News

سی بی ایس ای بورڈ کے نتائج جاری،رشدیٰ منہاج بنیں کڈس کنگڈم اسکول کی ٹاپر

 

چترا(نامہ نگار)شہر کے نمایاں اسکولوں میں سے ایک،آزاد نگر میں واقع کڈس کنگڈم اسکول کی ہونہار طالبہ رشدیٰ منہاج نے سی بی ایس ای بورڈ کے دسویں کے نتائج میں بہترین کارکردگی کا مظاہرہ کیا۔
اسکول کے ڈائریکٹر محمد رحمت نے نیک خواہشات پیش کرتے ہوئے کہا کہ رشدیٰ ہمارے اسکول کی ممتاز طالبات میں سے ایک ہے،تمام ٹیچرز کو بھی اس سے اچھے نتائج کی توقع تھی،جن کی توقعات پر پورا اتر کر یقیناً رشدیٰ نے جہاں کڈس کنگڈم کا نام روشن کیا،وہیں کڈس فیملی کا سر فخر سے اونچا کیا ہے۔اس کے شان دار اور تابناک مستقبل کےلیے ہم دل سے دعا گو ہیں۔
رشدیٰ منہاج،تعلیمی میدان کے ساتھ ساتھ دیگر سرگرمیوں میں بھی فعال رہی ہیں۔حال ہی میں چترا ضلع کے تقریباً دوہزار طلبہ و طالبات پر مشتمل اسلامی کوئی کمپٹیشن میں رشدیٰ نے دوسری پوزیشن حاصل کی تھی۔
رشدیٰ کی پوری تعلیم انگریزی میڈیم سے ہونے کے باوجود اردو کا ادبی ذوق بھی رکھتی ہیں،اور وقتاً فوقتاً کچھ نہ کچھ لکھتی بھی رکھتی ہیں،تعمیر نیوز حیدرآباد کے ذریعہ منعقد تحریری مسابقے میں شرکت کرکے انعام حاصل کر چکی ہیں۔
رشدیٰ نے کہاکہ میری کامیابی میں میرے اساتذہ خاص طور پرعامر سر،طلحہ سر،وسیم سر،کاشف ابن ابدالسر،جاوید جعفری سر،محمد بن نذر سر اور والدین کی محنتوں اور دعاؤں کا ہاتھ ہے۔رشدیٰ نے آئندہ میڈیکل فیلڈ کی جانب جانے کا ارادہ ظاہر کیا ہے۔

Leave a Response