مولانا آزاد کالج میں انٹر کا داخلہ جاری,(پرویز احمد)
رانچی: سرکار کی نئی تعلیمی پالیسی کے تحت مولانا آزاد ڈگری کالج سے انٹر میڈیئٹ کا سیکشن الگ کردیا گیا ہے, جس کا انچارج اسی کالج کے شعبہ اردو کے پروفیسر ڈاکٹر عبید اللہ قاسمی صاحب کو بنایا گیا ہے,
مولانا آزاد کالج رانچی میں دوسرے اقلیتی کالج کے مقابلے میں بہت ہی کم فیس لے کر داخلہ ہوتا ہے ,یہی وجہ ہے کہ یہاں غریب طبقہ کے طلباء کثیر تعداد میں داخلہ لے کر اپنی تعلیم کو جاری رکھنے میں کامیاب ہو پاتے ہیں ,دوسرے کالجوں میں بھاری ایڈمیشن فیس کی وجہ کر غریبوں کے بچے داخلہ نہیں لے پاتے ہیں تو ایسے طلباء کے لئے مولانا آزاد کالج سب سے بڑا سہارا ہوتا ہے, دوسرے کالجوں میں فرسٹ کلاس کے بچوں کا داخلہ پرسینٹیج کی بنیاد پر ہوتا ہے جبکہ مولانا آزاد کالج میں ہر قسم کے طلباء کا داخلہ ہو جاتا ہے تاکہ وہ اپنی تعلیم کو بیچ میں ہی ختم نہ کر کے اپنے تعلیمی سفر کو آگے بھی جاری رکھ سکیں, اس اعتبار سے مولانا آزاد کالج اپنے مقصد کے اعتبار سے ایک کامیاب کالج ہے ,کیوں کہ 1972ء میں قوم و ملت کا صحیح درد رکھنے والے ہمدردوں کے ہائیر مسلم ایجوکیشنل سوسائٹی آف انجمن اسلامیہ رانچی کے تحت مولانا آزاد کالج قائم کرنے کا مقصد ہی یہ تھا کہ ہمارے وہ بچے جن کا داخلہ میٹرک میں سیکنڈ اور تھرڈ ڈویژن آنے کی وجہ شہر کے دوسرے بڑے کالجوں نہیں ہو پاتا جس کی وجہ کر ہماری قوم کے بچے اگے کی تعلیم جاری نہیں رکھ پاتے ہیں اور بیچ میں ہی احساس محرومی کا شکار ہو کر اپنی تعلیم چھوڑ دیتے ہیں, جس سے ہمارے معاشرے کا ایک بڑا تعلیمی نقصان ہوتا ہے, اس تعلیمی نقصان اور کمی کو پورا کرنے کیلئے ہی مولانا آزاد کالج رانچی کا قیام عمل میں آیا جس کی بنیاد پر اس وقت سے لے آج تک ہزاروں بچے اور بچیون نے اپنی تعلیم کو مکمل کرنے میں کامیابی حاصل کی اور آج ایسے طلباء و وطالبات مختلف سرکاری اور غیر سرکاری محکموں میں روزگار حاصل کر کے کامیاب زندگی گزار رہے ہیں
