(پہرا، گانواں)کل جمعرات کی شام جمعیۃ الشباب پہرا کی جانب سے مولانا معراج مظاہری کے مکان پر ایک شاندار ادبی محفل کا انعقاد کیا گیا، جس میں قرآن پاک کی تلاوت اور نعتِ رسول مقبول ﷺ پیش کی گئی۔ محفل کا آغاز تلاوتِ کلامِ پاک سے ہوا، جس نے سامعین کے دلوں کو منور کر دیا۔ تلاوت کے بعد جناب قاری شہزاد صاحب نے خوبصورت انداز میں نعتِ نبی ﷺ پیش کیا ، جس سے روحانی ماحول کو مزید گرما دیا۔
اس موقع پر صوفی جلال الدین صاحب اور قاری محمد شوکت صاحب نے بھی بڑی سنجیدگی کے ساتھ نعت نبی گنگنایا ۔ ساتھیوں میں قاری سجاد صاحب جو عمرے کے سفر پر روانہ ہونے والے ہیں انہیں سب نے مبارکبادی پیش کی اور اس مبارک سفر کی قبولیت کے لیے دعائیں دی ۔

محفل میں شریک افراد نے اس روحانی اور ادبی محفل کو ایک منفرد تجربہ قرار دیا۔ انہوں نے کہا کہ ایسی تقریبات نہ صرف دلوں کو سکون بخشتی ہیں بلکہ روحانی تربیت کا بھی ذریعہ بنتی ہیں۔
اس پروگرام پروگرام مولانا معراج مظاہری امام وخطیب مسجد تقویٰ مولیٰ نگر، مفتی مجاہد حسین پہراوی امام وخطیب مسجد قباء پار گھگھرا ، قاری سجاد صاحب استاد دارالفلاح للبنات پہرا ، قاری محمد شوکت صاحب مدرس مدرسہ نورالعلوم پہرا ، مولانا تاثیر صاحب ندوی مدرس مدرسہ نورالعلوم پہرا ، جناب قاری شہزاد صاحب مدرس مدرسہ نورالعلوم پہرا ، جناب محمد مشرف صاحب، جناب مظہر صاحب جناب ماسٹر احسان صاحب وغیرہ موجود تھے ۔

محفل کے اختتام پر تمام شرکاء نے ایسے پروگرامز کو تسلسل کے ساتھ منعقد کرنے کی خواہش ظاہر کی۔

یہ ادبی محفل تمام شرکاء کے لیے یادگار رہی اور ایک مثبت پیغام کے ساتھ اختتام پذیر ہوئی۔