رانچی: دارالقضاء امارت شرعیہ بہار، اڈیشہ و جھارکھنڈ، رانچی کے قاضی شریعت مفتی محمدانور قاسمی نے کہا ہے کہ مورخہ 29 ذی قعدہ 1446ھ مطابق28 مئی 2025ء روز بدھ کوماہ ذی الحجہ1446ھ کا چاند بہ شمول رانچی و جھارکھنڈ ملک کے متعدد مقامات پر عام طور پر نظر آیا جس کی تصدیق ہوچکی ہے اس لئے مورخہ 29 مئی 2025ء روز جمعرات کو ذی الحجہ مہینے کی پہلی تاریخ ہے اور مورخہ 7 جون 2025ء روز سنیچر کو ماہ ذی الحجہ1446ھ کی دس تاریخ یعنی عید الاضحٰی ہے۔ انہوں نے کہا کہ یہی فیصلہ مرکزی دارالقضاء امارت شرعیہ بہار، اڈیشہ و جھارکھنڈ، پھلواری شریف پٹنہ کا ہے ۔