مجلس علماء جھارکھنڈ کے زیر اہتمام مولانا اختر حسین مظاہری کے سانحہ ارتحال پر تعزیتی نشست کا انعقاد

مورخہ 27؍مئی 2025ء بروز منگل بعد نماز مغرب ، بڑی مسجد مرکز ، ہند پیڑھی رانچی میں حضرت مولانا اختر حسین مظاہری مہتمم مدرسہ عالیہ عربیہ پترا ٹولی،کانکے کے سانحہ ارتحال پر مجلس علماء جھارکھنڈ کے زیر اہتمام ، زیر صدارت مولانا صابر حسین مظاہری ایک تعزیتی نشست منعقد ہوئی ۔ نشست کا آغاز مولانا جاوید ندوی امام بڑی مسجد کی تلاوت قرآن سے ہوا ۔ مولانا صادق تحسین ندوی امام و خطیب زیب النسا مسجد نے نعت نبی پیش کی ۔ قاری صہیب احمد مدرس مدرسہ عالیہ عربیہ نے تعزیتی نظم پیش کیا اور نظامت کے فرائض مفتی محمد طلحہ ندوی ، جنرل سکریٹری مجلس علماء جھارکھنڈ نے انجام دیا ۔
مولانا صابر حسین مظاہری نے اپنے خطاب میں کہا کہ مولانا اختر حسین صاحب مظاہری ایک فعال و متحرک عالم دین ، ہمہ جہات خوبیوں کے حامل، بے باک خطیب ، مخلص خادم قرآن ، سینکڑوں مساجد کے معمار ، بہت سارے مدرسوں اور مکاتب کے سر پرست ،حسن اخلاق کے پیکر ، ملنسار ، سخی، معاملہ فہم آپسی جھگڑوں کو چٹکیوں میں حل کرنے والے اور اعلیٰ درجے کے منتظم تھے ۔

حضرت والا کا مجلس علماء جھارکھنڈ کے قیام کے وقت سے ہی گہرا تعلق تھا ۔ وہ ایک زمانے تک مجلس علماء جھارکھنڈ کے صدر اور جنرل سکریٹری رہے ۔ حضرت کی حیات و خدمات پر روشنی ڈالنے والوں میں حضرت مولانا صابر حسین مظاہری صدر مجلس علماء جھارکھنڈ ، مولانا شریف احسن مظہری ، نائب صدر مجلس علماء جھارکھنڈ ، قاری اشرف الحق مظاہری نائب ناظم مدرسہ عالیہ عربیہ پترا ٹولی ، مولانا اصغر مصباحی ، جنرل سکریٹری جمیعۃ علما ء جھارکھنڈ ، مولانا سمیع الحق مظاہری ، جوائنٹ سکریٹری مجلس علماء جھارکھنڈ ، قاری جان محمد مصطفویٰ ،خطیب تسلیم مسجد ، مولانا منصور مظاہری خطیب پہاڑی ٹولہ مسجد ، مولانا فیروز ندوی ذمہ دار تبلیغی جماعت ، مولانا شہاب الدین مدرس مدرسہ عالیہ عربیہ پتراٹولی ، مولانا مکرم خطیب مسجد حراء بریاتو ، مفتی شہاب الدین قاسمی خطیب رمضان کالونی مسجد ، مولانا عبد الماجدقاسمی، ان کےعلاوہ اس نشست میں خاص طو رقاری مظفر ابن مولانا اختر حسین مظاہری مفتی محمد اللہ قاسمی خطیب مسجد اقراء ، مولانا مصطفےٰمظاہری ، مولانا معین مظاہری ، حافظ عرفان ،حافظ زبیر احمدمہتمم مدرسہ دار القرآن ،مولانا نجم الدین مہتمم جامعہ حسینیہ ، کڈرو ، مولانا عمار امام و خطیب مسجد عمر فاروق ، مولانا توفیق امام و خطیب مسجد ہارون ، حافظ مظہر حسین امام جامع مسجد ، مولانا امتیاز قاسمی ،حافظ ذوالفقار احمد ، محمد گلزار جنرل سکریٹری بڑی مسجدحافظ حمزہ، حافظ کاشف، حافظ صغیر کے ساتھ ساتھ کافی تعداد میں لوگ موجود تھے ۔