جھارکھنڈ کے ٹاپ ٹینس کھلاڑی رانچی کے ساحل امین بنگال ٹینس ایسوسی ایشن کے زیراہتمام منعقد ہونے والے سنیچر کلب 58 ویں فلڈ لائٹ ٹینس ٹورنامنٹ 2024 کے مردوں کے زمرے میں رنر اپ بن گئے ہیں۔ فائنل میچ میں ساحل کو اپنے حریف بنگال کے امیت روتھ سے تین سیٹ کے سخت مقابلے میں 6-4، 3-6 اور 5-7 سے شکست کا سامنا کرنا پڑا۔ اس لیے اس سال ساحل کو رنر اپ بننے پر ہی قناعت کرنا پڑی، ساحل پچھلے سال فاتح رہا تھا۔ مضبوط کارکردگی کا مظاہرہ کرتے ہوئے ساحل نے سیمی فائنل میں اپنے حریف بنگال کے ایس کے تبریز علی کو شکست دے کر فائنل میں داخلہ حاصل کیا۔ ساحل جھارکھنڈ کے واحد ٹینس کھلاڑی ہیں جنہوں نے یہ خطاب جیتا ہے۔ چوتھی بار اس ٹورنامنٹ میں کھیل رہے ساحل نے اپنے دھماکہ خیز کھیل سے سب کو متاثر کیا۔ اس سے پہلے ساحل نے اس ٹورنامنٹ میں دو بار ٹائٹل جیتا تھا۔ یہ ٹورنامنٹ 30 نومبر سے 14 دسمبر تک سنیچر کلب، کولکتہ میں منعقد کیا گیا تھا۔