شہدائے اسلام و شہدائے وطن کے لیے رفیع درجات کی دعا کی گئی

رانچی: آج امام کالونی چٹر جی بنگلہ کے ہارون منزل میں قران پاک کی تلاوت و دعائیہ مجلس کا اہتمام کیا گیا۔ اس مجلس کا انعقاد صحافی عادل رشید نے کیا۔ اس موقع پر مہمان رسول کی دعوت کا بھی اہتمام کیا گیا۔ دعائیہ مجلس کو مسلم مجلس علماء جھارکھنڈ کے صدر و پتھل کدوا مسجد کے خطیب حضرت مولانا مفتی عبداللہ ازہر قاسمی نے خطاب کیا۔ انہوں نے اپنے خطاب میں تعلیم کی اہمیت پر گفتگو کی اور اپنے پیغام میں کہا کہ ملک و سماج کے تعمیر و ترقی کے لیے تعلیم لازمی و ضروری ہے۔ بغیر تعلیم کے ہم اگے نہیں بڑھ سکتے۔ اللہ پاک نے قرآن مقدس میں سب سے پہلی کوئی آیت اتاری تو اقرا ہے۔ اس سے پتہ چلتا ہے کہ تعلیم کوئی بھی ہو دینی یا دنیاوی تعلیم ضروری ہے۔ کوئی بھی تعلیم اندھیرے کی طرف نہیں لے جاتی۔ سبھی تعلیم روشنی اور اونچائی کی طرف لے جاتی ہے۔ اس لیے تعلیم کو فروغ دینے پر سب کو کام کرنا ہے۔ موقع پر سینٹرل محرم کمیٹی کے جنرل سیکرٹری عقیل الرحمن نے بھی اپنے پیغام میں بھائی چارہ کو فروغ دینے پر زور دیا۔ وہیں ہارون رشید آزاد نے پروگرام کی صدارت کی ۔مجلس کی شروعات پتھل کدوا مسجد کے امام حضرت مولانا قاری عبدالحفیظ عرفانی کے تلاوت قرآن پاک سے ہوا۔ موقع پر محمد اسلام، عبدالواحد خان، حافظ محمد اسلم، مولانا منصور عالم، جنرل فزیشن ڈاکٹر ایم حسنین، ابو عامر وغیرہ بھی شریک دعا رہیں۔ آخر میں عادل رشید ابن ہارون رشید آزاد نے تمام مہمانوں کا شکریہ ادا کیا۔