مشاورت کے صدر فیروز احمد سے جھارکھنڈ کے مختلف ضلع کے لوگوں نے ملاقات کی

رانچی: آل انڈیا مسلم مجلس مشاورت کے صدر جناب فیروز احمد انصاری سے رانچی سرکٹ ہاؤس میں جھارکھنڈ کے مختلف ضلع کے لوگوں نے جھارکھنڈ مشاورت کے کنوینر خورشید حسن رومی کے قیادت میں ملاقات کی۔ اور ستمبر میں کنوینر کے ساتھ جو سات لوگوں کی کمیٹی بنائی گئی اس کی ایک نشست بلا کر اکتوبر کے پہلے ہفتے میں ریاستی سطح پر ایک کانفرنس انعقاد کرنے کا فیصلہ لیا گیا۔ اس میں ریاستی سطح پر کمیٹی کا انتخاب ہونا ہے۔ آج مشاورت میں جھارکھنڈ ممبرشپ ڈرائیو شروع کیا گیا۔ جناب فیروز احمد انصاری سے پہلا ممبر بننے کا فخر خورشید حسن رومی کو ملا۔ جناب فیروز احمد سے ملنے والوں میں خورشید حسن رومی کے علاوہ حاجی منظور انصاری بکارو، حاجی منظور احمد انصاری اربا، حاجی شکیل احمد لوہردگا، ساجد حسین للو کوڈرما، پروفیسر زکی اختر جمشید پور، محمد منہاج الدین چترا، صغیر احمد لوہردگا و دیگر شامل ہیں۔