رانچی(نمائندہ)رانچی یونیورسٹی میں کام کرنے والے گیسٹ فکلیٹی اساتذہ کو پچھلے سال مئی 2023 سے بیشتر کالجوں کے اساتذہ کوتنخواہ نہیں ملی ہے۔ تمام اساتذہ کی مالی حالت انتہائی قابل رحم ہو گئی ہے، روز مرہ کا گزارہ مشکل ہو گیا ہے۔ آج مختلف کالجوں کے اساتذہ اپنے اعزازیہ کی ادائیگی کے لیے رانچی یونیورسٹی کے وائس چانسلر ڈاکٹراجیت کمار سنہا سے ملنے ریاستی یونیورسٹی پہنچے، لیکن وائس چانسلر سے ملاقات نہ کر پانے کی وجہ سے مایوس واپس لوٹ گئے۔ اس پر یونین کے صدر اروند پرساد نے کہا کہ رانچی یونیورسٹی کے لاپرواہ رویے کی وجہ سے ہماری معاشی حالت اتنی قابل رحم ہو گئی ہے کہ زندگی گزارنا مشکل ہو گیا ہے، جب کہ رانچی یونیورسٹی کے حکام کو ہمارے حالات کی کوئی فکر نہیں ہے۔ ڈاکٹر نکھل کمار نے کہا کہ محکمہ اعلیٰ اور تکنیکی تعلیم اور رانچی یونیورسٹی کے درمیان صرف خط و کتابت ہو رہی ہے اور مسئلہ حل نہیں ہو رہا ہے جس کی وجہ سے آج ہماری حالت قابل رحم ہو گئی ہے۔ اگر یونیورسٹی کو اعلیٰ تعلیم کی فکر ہوتی تو ہم سے متعلقہ مسئلہ ضرور حل ہو جاتا۔ یونین نے فیصلہ کیا ہے کہ رانچی یونیورسٹی کے وائس چانسلر اجیت کمار سنہا کا 12اگست 2024 بروز پیر کو گھیراؤ کیا جائے گا۔ ملاقات کرنے والےاساتذہ میں ڈاکٹر حیدر علی، ڈاکٹر ستیش ٹرکی، سورج وشوکرما، سوربھ کمار، شہباز عالم، نکھل کمار، منیش مشرا، محمد طلحہ ،انجان مشرا، ڈاکٹر رنجو کماری، ڈاکٹر راکیش پرساد، ڈاکٹر جیوتی ، پونم کماری، ڈاکٹر تسلیمہ، منموہن ٹوڈو، وکاس کمار، جگیاسا اوجھا، نہاریکا مہتو وغیرہ موجود تھے۔