صاحب گنج جھارکھنڈ
اہل حدیثان ہند کی معروف ومقبول شخصیت مشہور شاعر وادیب عالم دین سالک بستوی کے انتقال پرملال پر ایک تعزیتی نشست منعقد ہوئی ملی جانکاری کے مطابق یہ نشست الفلاح ایجوکیشنل سوسائٹی بڑا سوناکوڑ صاحب گنج جھارکھنڈ کے زیر اہتمام شیخ عبدالخبیر مفتاحی صاحب پرنسپل الفلاح کی صدارت میں تھی موصوف مفتاحی صاحب نے شاعر سالک بستوی کی رحلت کو شعر وادب کی دنیا کےلئے بڑا خلاکہا اور انکی رحلت پر گہرے رنج وغم کا اظہار کرتےہوئے کہاکہ موصوف سالک بستوی صاحب نے شعروشاعری میں مسلک اہل حدیث کی بڑی ترجمانی کی ہے انہوں نے اپنے شعروادب میں کتاب وسنت کی بالادستی کا خوب خوب لحاظ کیا ہے۔

موقع پر شیخ اجمل سلفی صاحب چئیرمین الفلاح نے کہا کہ سالک بستوی صاحب ملک کے بہترین شاعرتھے موصوف سالک صاحب نے منہج و مسلک کی جم کررعایت ووکالت کی ہے انکے منظوم کلام سے میں کافی متاثرہوں انکی زبان وادب میں عجیب سی سلاسلت وشیفتگی پائی جاتی ہے یہ دنیا انکے شعر وادب کو کبھی فراموش نہیں کرسکتی ہے شیخ سلفی نے اپنے جاری بیان میں کہا کہ ‌موصوف بڑی خوبیوں کے مالک تھے نرم خو گم گو بھی تھے بلند ہمت وحوصلہ کے مالک تھے
خیال رہے کہ تعزیتی نشست میں اساتذہ الفلاح نے موصوف کے حق دعاء مغفرت کے ساتھ ساتھ انکے رشتہ داران وپسماندگاں کے لئے صبر کی بھی دعائیں کی